Netanyahu: İsrailin İranda hələ də hədəfləri var, müharibə başa çatmayıb

GADTB: Benyamin Netanyahu ABŞ-ın CBS News telekanalının “60 Minutes” proqramına müsahibəsində bildirib ki, İsrailin İranla bağlı qarşıda hələ “çox işi” qalır və son müharibəni yekunlaşmış hesab etmir.

Netanyahu deyib ki, Donald Tramp da onunla İranın zənginləşdirilmiş uran ehtiyatlarının tamamilə aradan qaldırılması məsələsində eyni mövqeni bölüşür.

İsrail baş naziri iddia edib ki, son müharibə İsrail üçün “böyük nailiyyətlər” gətirib. Bununla belə, o əlavə edib ki, İranın nüvə obyektləri, raket proqramı və Tehranla əlaqəli silahlı qruplar tam şəkildə sıradan çıxarılmayıb.

Netanyahu bildirib: “Biz bu imkanların böyük hissəsini zəiflətdik, amma görülməli olan başqa tədbirlər də qalır.”