Paşinyan Ermənistanın himayədarı İranla ABŞ-a görə sərhədin bağlanasından qorxuya düşüb

GADTB-nin Mətbuat Mərkəzinə daxil olan məlumata görə, Ermənistanın baş naziri səlahiyyətlərini icra edən Nikol Paşinyan geosiyasi vəziyyət səbəbindən İran və Gürcüstanla sərhədlərin bağlanması ehtimalını istisna etməyib. Bu barədə Paşinyan parlamentdə çıxışı zamanı bildirib.

Paşinyan bir qədər əvvəl təcrübəli bir diplomatla görüşü zamanı Azərbaycan və Türkiyə ilə sərhədlərin qapalı, digərlərinin isə demək olar ki, yarıaçıq vəziyyətdə olmasını göstərməklə Ermənistandakı vəziyyəti ətraflı şəkildə təsvir etdiyini qeyd edib.

“Məsələn, Ermənistan-İran sərhədləri ABŞ-la İran münasibətlərindən, həmçinin çətin geosiyasi vəziyyətdən asılı olaraq de-fakto bağlana bilər. Ermənistanın Gürcüstanla sərhədləri də pis şərait və geosiyasi vəziyyətə görə bağlana bilər. Yəni belə çıxır ki, Ermənistan dənizi olmayan adadır, bəs biz necə olaq?” – Paşinyan bildirib.

Qeyd edək ki, Nikol Paşinyan sözügedən müzakirənin hansı diplomatla və hansı mövzu ətrafında müzakirə edildiyini açıqlamayıb.