Paşinyanın Xankəndidə Azərbaycana qarşı təxribatı azərbaycanlıları ayağa qaldırdı

GADTB-nin Mətbuat Mərkəzinə daxil olan məlumata görə, Türkiyədə yaşayan bir qrup azərbaycanlı ziyalı Ermənistan Baş naziri Nikol Paşinyanın dövlət təhlükəsizlik şurasının iclasını Xankəndidə keçirməsinə qarşı kampaniya başladıb.

Ziyalılar yaydıqları bəyanatda Paşinyanın bu addımının Azərbaycan xalqına qarşı təhqir, Xocalı və Qarabağ şəhidlərinin ruhuna sayğısızlıq olduğunu bildiriblər.

“Nikol Paşinyanın Ermənistan Təhlükəsizlik Şurasının iclasını Xankəndidə keçirməsi yolverilməzdir, cinayətdir, Azərbaycan xalqına qarşı təhqir, Xocalı və Qarabağ şəhidlərinin ruhuna sayğısızlıqdır!

Biz xalq olaraq, Azərbaycan Silahlı Qüvvələrinin yanında olduğumuzu bildirir və Şanlı Azərbaycan Ordusuna “#AzərbaycanOrdusuXankəndinivur” deyirik!”, – bəyanatda qeyd edilib.

Artıq Türkiyənin Girəsun Universitetinin professoru, Oksford Universitetinin Sokrat mükafatı laureatı Aygün Attar, yazıçı-şair Elçin Aslangil, Azərbaycan Təhsil və Mədəniyyət Dərnəyinin rəhbəri, yazıçı Aygün Həsənoğlu, landşaftşünas, yazıçı Şəbnəm Karslı və başqa şəxslər sosial şəbəkələrdə #AzərbaycanOrdusuXankəndinivur həştəqi ilə kampaniyaya dəstək veriblər.

 

Həmçinin yoxlayın

Təbrizin tarixi bazarında restoran və kafelər bağlandı

 GADTB-nin Mətbuat Mərkəzinə daxil lan məlumata görə, son bir neçə gündə Təbrizin tarixi bazarında fəaliyyət …

Qərbi Azərbaycan İcması İrəvanı Fransanın oyunlarına getməməyə səslədi

GADTB: Qərbi Azərbaycan İcması Ermənistan hökumətini və ictimaiyyətini tarixdən dərs çıxararaq, Fransanın oyunlarına getməməyə çağırıb. …

Bir cavab yazın