PKK terror təşkilatına ağır zərbə

GADTB-nin Mətbuat Mərkəzinə daxil olan məlumata görə, İraqın Mosul şəhərinin Sincar rayonunda 51 PKK üzvü təşkilatı tərk edərək İraq Kürd Regional Rəhbərliyinə bağlı peşmərgə qüvvələrinə qoşulub.

Bu barədə “Kürdüstan 24” telekanalına Kürdistan Demokratik Partiyası Sincar məsulu Aşti Koçər açıqlamasında deyib.

İraq Kürd Regional Rəhbərliyi məsələ ilə bağlı heç bir açıqlama verməyib.

Həmçinin Türkiyə hərbçilərindən uğurlu əməliyyat nəticəsində daha bir neçə PKK terrorçusu məhv edildi.

Türkiyə Silahlı Qüvvələrinin Suriyanın şimal-qərbində həyata keçirdiyi tədbirlər nəticəsində hücum hazırlığında olan terrorçular məhv edilib.

Publika.az xəbər verir ki, PKK terror təşkilatının bu ölkədəki qanadı YPG-nin “Zeytun budağı” əməliyyat zonasına hücum hazırlayan 6 terrorçu zərərsizləşdirilib.