GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Azərbaycan türkləri ilə eyni kimlik və eyni dil və soy-kökə malik olan Qaşqay türkləri hər zaman Azrbaycanla eyni hisləri paylaşırlar.
Son zamanlar Güney Azərbaycanda başlanan əyləncə xarakteri daşıyan “səni deyirlər” kampaniyasına artıq Qaşqay türkləri də qoşulub. Bu həm də regionda türklər arasında birlik və həmrəyliyin olduğunu sübut edir.
Qeyd edək ki, son günlər Güney Azərbaycanda gənclər tərəfindən sosial şəbəkələrdə başladılan kampaniya geniş vüsət alıb. Gənclər güneyli müğənni Əlirza Şərifzadənin ”Səni deyirlər” mahnısının sədaları altında rəqs edirlər. Gənclər bununla həm Azərbaycan rəqsini və musiqisini təbliğ edir, eyni zamanda molla rejiminin insanların əyləncə azadlığının məhdudlaşdırmasına üsyan edirlər.
