GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Qaşqay mtürklərinin yaşadığı Şiraz şəhərində İran rejiminin qaşqay sənətçi Həmid Əhmədinin konsertinə son anda mane olması Qaşqay türklərinin ciddi etirazı ilə qarşılanıb.
Qaşqay sənətçisinin konsertinin ləğv olunmasından narazı qalan Qaşqay türkləri Şiraz şəhərinin mərkəzində yerləşən Çəmran bulvarına toplaşaraq, etiraz olaraq halay çəkib, milli rəqslər icra ediblər.
Qeyd edək ki, İran rejimi sırf ayrıseçkilik tətbiq edərək Qaşqay sənətçisi Həmid Əhmədinin konsertinə mane olub. Konsert salonuna çox sayda izləyici toplaşması və tamaşaçıların proqramın başlanmasını gözlədikləri bir vaxtda Həmid Əhmədi səhnəyə çıxaraq konsertin keçirilməsinə icazə verilmədiyi və dövlət tərəfindən ləğv olunduğunu elan edib.
Qaşqay türklərinin “Baydaq news” saytı isə konsertin ləğv edilməsini Qaşqay türklərinə qarşı İranın ayrıseçkilik siyasəti ilə əlaqələndirib.
Sayt həmçinin yazıb ki, rejim ölkədə etiraz aksiyalarının genişlənməsindən qorxduğu üçün kütləvi toplaşmalara qadağa qoymaq istədiyir.
Qeyd edək ki, İranın irqçi fars rejimi türklərə qarşı irqi ayrıseçkilik nümayiş etdirərək, onların dili və mədəniyyətini qadağan edib.
