GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, irqçi və işğalçı fars rejimin müstəmləkəçi məqsədlə Güney Azərbaycan vilayətlərinə qeyri-azərbaycanlı valilər təyin edir. Türk düşməni olan rejimin bu işi isə Azərbaycana qarşı çox təhlükəli nəticələr yaratdığı üçün ciddi narazılığa səbəb olub. İş o yerə çatıb ki, rejimə bağlı bəzi rəsmilər də artıq narazılığa başlayıblar.
Bu məsələ ilə bağlı Təbriz, Üskü və Tufarqanın məclisdəki millət vəkili Məhəmmədhüseyn Fərhəngi açıqlama verərək deyib: “Şərqi Azərbaycan vilayətində qeyri-yerli valinin təyin edilməsi məsələsi bizi nigaran və narahat edir. Qeyri-yerli valinin təyin edilməsi məsləhət deyil.
O vilayətin millət vəkilləri birliyi ilə bağlı da deyib ki, bu birlik qeyri-müəyyən vəziyyətdədir və iyun ayından görüş keçirilməyib. İdarə heyəti də məlum deyildir.
O həmçinin qeyd edib ki, Daxili İşlər Nazirliyinin qeyri-yerli şəxsin vali təyin etməsi bir sıra problemlərə gətirib çıxarır.
