Çərşənbə , Aprel 17 2024
azfa

Qırğızıstanda Üçüncü Dünya Köçəri Oyunlarının təntənəli bağlanış mərasimi keçirilib

GADTB-nin Mətbuat Mərkəzinə daxil olan məlumata görə, İssık-Kul gölünün sahilində keçirilən üçüncü Dünya Köçəri Oyunlarının (DKO) təntənəli bağlanış mərasimi olub.

Qırğızıstanın dövlət himni səsləndirildikdən sonra ölkənin Baş naziri Muxammedkalıy Abulqaziev DKO-nın başa çatması münasibətilə idmançıları, qonaqları və digər iştirakçıları təbrik edib.

Bildirilib ki, idmanın 37 növü üzrə yarışlarda dünyanın 80 ölkəsindən 3 minə yaxın idmançı iştirak edib. Tədbirə dünyanın 60 ölkəsindən 500-dən çox jurnalist qatılıb. Yarışlara dair xəbərləri bütün dünyaya yaydıqlarına görə jurnalistlərə minnətdarlıq edən Baş nazir növbəti Oyunların Türkiyədə keçiriləcəyini diqqətə çatdırıb.

Baş nazir DKO-nın bayrağını və simvolunu Türkiyənin mədəniyyət və idman nazirinin müavini Həmzə Erlikaya təqdim edib.

Həmzə Erlikay çıxışında deyib ki, Türkiyədə dördüncü Dünya Köçəri Oyunlarının açılışı 2020-ci il sentyabrın 2-də olacaq.

İdman bayramının təntənəli bağlanış mərasimi Qırğızıstanın və digər dövlətlərdən gələn incəsənət ustalarının böyük konsert proqramı ilə başa çatıb.

Azərbaycan Respublikasından da çoxsaylı qonaqlar iştirak edib.

 

Həmçinin yoxlayın

Rus sülhməramlıların Azərbaycan ərazisindən vaxtından əvvəl çıxarılması barədə qərar qəbul edilib

GADTB: 2020-ci il noyabrın 10-da imzalanmış üçtərəfli Bəyanata əsasən, Azərbaycan Respublikasının ərazisində müvəqqəti olaraq yerləşdirilmiş …

Yunanıstanlı nazirdən Türkiyənin pilotsuz uçuş aparatları sahəsində çox inkişaf etdiyinə etiraf

GADTB: Yunanıstanın müdafiə naziri Nikos Dendias Türkiyənin pilotsuz uçuş aparatlarının (PUA) istehsalında çox irəlilədiyini, lakin …

Bir cavab yazın