Qrossi: “İranla danışıqlar davam etsə də, bəzi obyektlərə girişə icazə verilmir”

GADTB: Bu gün Atom Enerjisi üzrə Beynəlxalq Agentliyin (AEBA) baş direktoru Rafael Qrossi bildirib ki, agentlik hazırda İranla danışıqlar aparır və ölkədə yoxlamaları davam etdirir. Lakin o, bəzi obyektlərə girişin hələ də mümkün olmadığını qeyd edib.

Nyu Yorkda jurnalistlərə açıqlama verən Qrossi deyib: “Biz əməkdaşlığı bərpa etməyə çalışırıq və İranda yoxlamalar aparırıq. Hücuma məruz qalan ərazilərdə yoxlamalar həyata keçirilmir”.

O əlavə edib ki, agentlik İranda “mühüm nüvə fəaliyyəti” göstərə biləcək heç bir əlamət müşahidə etmir:

“Biz böyük sənaye sahələrində aktivlik görürük, amma bu, zənginləşdirmə fəaliyyəti demək deyil”.