GADTB Güney Azərbaycan Demokratik Türk Birliyi
GADTB: Beynəlxalq Atom Enerjisi Agentliyinin baş direktoru Rafael Qrossi cümə günü bildirib ki, İranla ABŞ arasında müharibənin başa çatdırılmasına yönəlmiş anlaşma memorandumunun həyata keçirilməsi üçün İranda çox güclü yoxlama və nüvə fəaliyyəti barədə məlumatların düzgünlüyünün təsdiqləmə sistemi yaradılmalıdır.
Qrossi Yaponiyada keçirdiyi mətbuat konfransında deyib: “Mənim fikrimcə, bu anlaşma memorandumunun məqsədi İranda nüvə silahının hazırlanmayacağına təminat verməkdir. İran hökuməti açıq şəkildə belə bir niyyətinin olmadığını bəyan edib. Lakin təbii ki, təkcə xoş niyyət kifayət etmir.”
O əlavə edib: “Bizim İranda çox güclü bir yoxlama və təsdiqləmə sistemi olmalıdır… və bu nə qədər tez baş tutsa, bir o qədər yaxşıdır.”
ABŞ Prezidenti son həftələrdə İranla müvəqqəti razılaşmaya nail olmaq istiqamətində dəfələrlə vurğulayıb ki, İranın nüvə silahına sahib olmaması əsas şərtdir. Bu məsələ, əvvəlki Birgə Hərtərəfli Fəaliyyət Planında (JCPOA) olduğu kimi, imzalanmış anlaşma memorandumunda da açıq şəkildə qeyd edilib və Tehran nüvə silahı əldə etməyəcəyini öhdəsinə götürüb.
