GADTB Güney Azərbaycan Demokratik Türk Birliyi
GADTB-nin Mətbuat Mərkəzinin “Apa” Xəbər Agentliyinə istinadən yaydığı məlumata görə, Rusiyanın Xəzər hərbi donanmasının şəxsi heyəti “antiterror” təlimlər keçirib. Təlimlər zamanı şəxsi heyət şərti düşmənin qərargaha hücumunun qarşısını alıb.
Cənub Hərbi Dairənin mətbuat xidmətinin rəisi Vadim Astafyev bildirib ki, təlimlərin planına əsasən, qeyri-qanuni silahlı qruplaşma nəzarət-buraxılış məntəqəsinə hücum edərək, Xəzər donanmasının qərargahını zəbt etməyə çalışır. Təlimlər zamanı hücumunun qarşısı alınıb, şərti düşmən isə məhv edilib.
Təlimlərdə 50-dən çox hərbçi iştirak edib. Qeyri-qanuni silahlı qruplaşma qismində isə Xəzər hərbi donanmasının dəniz piyadalarından ibarət dəstə çıxış edib.
Qeyd edək ki, Rusiya regionda sabitliyi pozan və münaqişələr yaradan əsas ölkə kimi Xəzər dənizini də belə təlimlərlə hərbi zonaya çevirmək niyyətindədir.
