GADTB-nin Mətbuat Mərkəzinə daxil olan məlumata görə, irqçi fars rejim azərbaycanlı milli-mədəni fəal Meysəm Colanini 6 ay həbs və 74 şallaq cəzasına məhkum edib.
Rejimin Ərdəbildə yerləşən 2 saylı Cinayət Məhkəməsinin 102-ci şöbəsi azərbaycanlı fəal barəsində qiyabi şəkildə qərar çıxarıb.
Ərdəbildə məhkəmə hökmlərini icra edən şöbəsinin məmurları iyunun 14-də Colaninin ata evinə müraciət edərək, onun həbsə məhkum edildiyini və zindana müraciət etməli olduğunu bildirmişlər.
Azərbaycanlı fəal iyunun 15-də Ərdəbildə məhkəməsinin çıxardığı qərarla bağlı Apelyasiya Məhkəməsinə şikayət edib.
Qeyd edək ki, Meysəm Colani şərlənərək, məhkəmə tərəfindən “iğtişaş yaratmaqla ictimai nizam-intizamı pozmaq”da ittiham olunub.
O 2019-cu ilin noyabr ayında benzinin bahalaşmasına qarşı keçirilən kütləvi etirazlar zamanı yaxalanmışdır.
Fəal bir müddət saxlandıqdan sonra mülki vəsiqə qarşlığında zaminə buraxılmışdır.