GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, İraqdakı ərəb tayfaları Türkiyənin terror hədəflərini məhv edən əməliyyatlarına dəstəyini açıqlayıb.
Kərkük, Səlahəddin və Diyala əyalətlərindəki tayfaları təmsil edən Ərəb Tayfaları sözçüsü Şeyx Mizahım əl-Huveyt Türkiyə Silahlı Qüvvələrinin İraqın şimalındakı terror təşkilatı PKK-ya qarşı əməliyyatlarını dəstəklədiklərini bəyan edib.
Yazılı bəyanatında Əl-Huveyt Sincar dağında terror təşkilatının nəzarətindəki həbsxanalarda ərəb qadınların günahsız yerə tutulduğunu bildirib.
O deyib ki, bu əməliyyat həm də bu həbsxanalarda qadınlara qarşı işgəncə və təcavüzə də bir cavabdır. Sincarda 8 yeraltı həbsxananın olduğunu deyən Huveyt qadınlar da daxil olmaqla 80-ə yaxın ərəbin günahsız tutulduğunu qeyd edib.
Terror təşkilatı PKK-nın Sincar, Mahmur və ətrafındakı bölgələrdə insanlığa qarşı cinayətlər törətdiyini vurğulayan Əl-Huveyt İraqın mərkəzi hökuməti və Bağdad Məclisi ilə İraq Kürd Regional Rəhbərliyi və Ərbil Məclisinə bu təşkilatın ölkənin şimalından çıxarmaq barədə qərar qəbul etməyə çağırib.
