GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, irqçi fars rejimin Ərdəbildə yerləşən Apelyasiya Məhkəməsinin 1-ci Şöbəsi azərbaycanlı milli-mədəni fəal Müctəba Pərvin barədə məhkəmənin birinci istansiyasının çıxardığı 3 aylıq həbs qərarını olduğu kimi təsdiqləyib.
Qeyd edək ki, azərbaycanlı fəal bu il avqustun 18-də rejimin Ərdəbildə yerləşən Ümumi və Hüquq Məhkəməsinin 9-cu şöbəsində mühakimə olunub. Rejim onu şərləyərək dövlət avtomobilinə ziyan vurma ittihamı ilə mühakimə edilib. Fəal mühakimə olunub və 450 min tümən nağd cərimə ödəməyə məhkum olunmuşdur.
Bundan əvvəl Müctəba Pərvin Ərdəbil 2 nömrəli Məhkəməsinin 101-ci şöbəsi tərəfindən 3 ay azadlıqdan məhrum edilmişdi. Polislər onu şərləyərək dövlət avtomobilinə zərər vurduğuna iddia etmişdilər.
Apelyasiya Məhkəməsinin çıxardığı hökmdə isə Müctəba Pərvinin gətirdiyi dəlillərin qanedici olmadığı və bu səbəbdən hökmün qüvvədə saxlanıldığı qeyd olunub.
Rejimin məmurları Müctəba Pərvini həmin dosye ilə əlaqədar 2018-ci il oktyabrın 9-da öz atası evində saxlanılmışdı.
