GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, irqçi fars rejimin Qərbi Azərbaycanda həbs etdiyi və hazırda Urmiyada təhlükəsizlik qurumunda saxlanılan türk fəallar barədə heç bir məlumat verilmir və onlara görüş qadağası tətbiq olunur.
Qeyd edək ki, azərbaycanlı Musa Ziya Zərgəri və Səccad Şoheyri iyunun 22-də Qərbi Azərbaycan vilayətinin Sulduz şəhərində irqçi fars rejimin təhlükəsizlik qüvvələri tərəfindən yaxalanıb və rejimin Urmiyada yerləşən ETTELAAT idarəsinin nəzarət mərkəzinə apaılıblar.
Fəalların 17 gündür saxlanıldıqlarına baxmayaraq, ailələrinin onlarla görüşmə cəhdləri nəticəsiz qalıb.
Məhkəmə və təhlükəsizlik orqanları onların sağlıq durumu və ittihamları ilə əlaqədar heç bir məlumat verməyiblər.
Saxlanılan türk fəalların ailələrinə təlükəsizlik idarəsi və məhkəmə orqanlarına müraciətdə, “Müraciət etməyin. Bu iki saxlanılan şəxs üçün görüş qadağası tətbiq edilib. istintaq işləri bitdikdən sonra vəziyyətləri barədə məlumat veriləcək” – deyə, bildirilib.
