GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Tehranda təhsil alan azərbaycanlı öyrənci Məleykə Qaragözlü (Dəniz) son zamanlar keçirilən etiraz aksiyaları zamanı yaxalanıb.
Əllamə Təbatəbai Universitetinin öyrəncisi olan Məleykə xanım noyabrın 18-də Tehran Universitetinin qarşısında keçirilən etiraz aksiyaları zamanı yaxalanıb. azərbaycanlı öyrəncinin hazırda Evin Zindanının “Sepah” terror təşkilatının Kəşfiyyat İdarəsinə məxsus bölməsində saxlandığı deyilir.
Terrorçu Sepahın Məleykə Qaragözlünü öldürüb, daha sonra onun “psixoloji problemlər”dən əziyyət çəkdiyinə görə intihar etdiyini özündə əks etdirən saxta sənədlər düzəltməyə çalışdığı planı üzə çıxıb.
Azərbaycanlı öyrəncinin yaxınları insan haqları fəallarını Sepah terror təşkilatının bu cinayətkar planının qarşısının alınması üçün məsələni diqqət mərkəzində saxlamağa və bütün dünyaya çatdırmağa çağırırlar.
