GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Kiyevin Qostomel şəhərində rus desantlarının 20 hərbi maşını məhv edilib. Bu barədə Ukrayna ordusu məlumat yayıb.
Bildirilib ki, şəhərə nəzarət uğrunda şiddətli döyüşlər davam edir:
“Şəhərin yerli şüşə zavodunun yanında düşmən desantının daha 10 hərbi maşını məhv edilib. Döyüşü Ukrayna xüsusi təyinatlıları və onların hazırladığı yerli müdafiə qrupları aparır”.
Bu arada isə Rusiya tərəfindən raketlə vurulan Zaporojye AES-in binasındakı yanğının lokallaşdırıldığı söylənilir. Bu barədə Ukrayna Fövqəladə Hallar Dövlət Xidməti məlumat yayıb.
“Saat 05:55-də Enerqodar şəhərindəki Zaporojjya AES-in təlim binasında 2 min kvadrat metr sahədə yanğın lokallaşdırılıb. İlkin məlumta görə, zərərçəkən və xəsarət alan olmayıb”, – məlumatda deyilir.
