Sanksiyaların ləğvi SEPAH terror təşkilatının biznes imperiyası böyük qazanc gətirəcək

GADTB: Reuters agentliyi bildirib ki, mümkün razılaşma nəticəsində sanksiyaların yumşaldılması və ya ləğvi SEPAH-a ciddi iqtisadi üstünlüklər qazandıra bilər.

Agentliyin məlumatına görə, Vaşinqton və Tehran arasında əldə edilə biləcək razılaşma milyardlarla dollarlıq İran aktivlərinin sərbəst buraxılmasına, neft ixracının artmasına və xarici investisiyaların ölkəyə qayıtmasına şərait yarada bilər.

Reuters yazır ki, ABŞ və bir sıra Qərb ölkələri SEPAH-ı terror təşkilatı hesab etsələr də, dörd yüksəkvəzifəli İran mənbəsinin sözlərinə görə, məhz SEPAH sanksiyaların aradan qaldırılmasından və iqtisadi məhdudiyyətlərin yumşaldılmasından maliyyə baxımından ən çox fayda əldə edə biləcək qurumlardan biridir.