GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, molla rejimi özünün Sepah terrorçularına rabitə cihazlarından istifadə qadağan edib.
“Reuter” xəbər agentliyi İranın adı açıqlanmayan iki təhlükəsizlik rəsmisinə istinadən xəbər verib ki, SEPAH Livanda silsilə peycer_partlayışlarından sonra bütün üzvlərinə hər hansı texniki rabitə vasitələrindən istifadəni dayandırmağı əmr edib.
Rəsmilərdən biri agentliyə bildirib ki, SEPAH üzvlərinə məxsus cihazların əksəriyyəti ya əldə hazırlanıb, ya da Çin və Rusiyadan gətirilib. Mənbə qeyd edib ki, İran İsrail agentlərinin, o cümlədən iranlıların İsraildən pul müqabilində SEPAH sıralarına sızması ehtimalından narahatdır.
“SEPAH öz hərbçiləri, orta və yüksək rütbəli zabitləri ilə bağlı istintaqa başlayıb. Bura onların həm İrandakı, həm də xaricdəki bank hesablarını, habelə özlərinin və ailələrinin səyahət tarixçələrini yoxlamaq da daxildir”, – deyə, vurğulanıb.
