GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Güney Azərbaycanın Sulduz şəhərində Babək qalasına yürüşə çağırışla bağlı posterlər yayılıb.
Azərbaycanlı milli-mədəni fəallar Təbriz və Ərdəbildən sonra bu şəhərdə əhalini illik Babək Qalası Qurultayına Çağırış etmək məqsədilə çox sayda posterlər divarlara yapışdırıblar. Onlar əhalini həmin qurultaya qatılmağa dəvət ediblər.
Şəhərin divarlarına yapışdırılan posterlərdə “Ata Babəkin doğum günü qutlu olsun”, “Ailə ilə birlikdə Bəz qalasında olaq” ,”Görüşümüz 1 iyul 2022″ və “Könlüm istər gəlsin hər yandan Azərbaycan səsi- səslənəndə can bağışlar canlara canan səsi” və s. şüarlar yazılıb və əhalinin Babək Qalası Qurultayına qatılmasına çağırış edilib.
Qeyd edək ki, Azərbaycanın xalq qəhrəmanı Babək Xürrəminin anım günü münasibətilə hər il iyunun sonunda Bəzz qalasına ənənəvi yürüş keçirilir.
Son günlər babək qalasına yürüşə hazırlıqla əlaqəli bir neçə nəfər milli-mədəni fəal həbs edilib, bəziləri ETTELAAT idarəsinə çağrılaraq sorğu-suala tutulublar.
