GADTB Güney Azərbaycan Demokratik Türk Birliyi
GADTB: Təbriz həbsxanasında saxlanılan azərbaycanlı fəallar Yaşar Həsənzadə və Abbas Şəfiinin ailə üzvləri son günlərdə təhlükəsizlik orqanları tərəfindən dəfələrlə çağırılaraq hədələniblər. Məlumatlı mənbələrin bildirdiyinə görə, ailələrə təhlükəsizlik qurumları ilə əməkdaşlıq etməyəcəkləri təqdirdə həyatlarının təhlükə altında olacağı bildirilib.
Ailəyə yaxın mənbələrin məlumatına görə, Abbas Şəfiinin həyat yoldaşı təhlükəsizlik qüvvələri tərəfindən təxminən 10 gün saxlanıldıqdan sonra azadlığa buraxılıb.
Bildirilir ki, Yaşar Həsənzadə və Abbas Şəfii iki həftədən artıqdır ki, ailələri ilə telefon əlaqəsi saxlamaq imkanından məhrum ediliblər.
Eyni zamanda, həbsxanada saxlanılan digər azərbaycanlı fəallara qarşı da təzyiqlərin artdığı barədə məlumatlar yayılıb. Bu məlumatlara əsasən, Yürüş Mehrəlibəyli və Əli Babayı da daxil olmaqla bir sıra fəallar son günlərdə təhlükəsizlik orqanları ilə əməkdaşlığa məcbur edilmələri və məcburi etiraflar vermələri üçün təhdid və təzyiqlərlə üzləşiblər.
