GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, azərbaycanlı ekoloq Əhməd Bayburdi ardıcıl olaraq üçüncü dəfə dünya alimlərinin ilk iki faizinin siyahısına daxil edilib.
Əhməd Bayburdi Şərqi Azərbaycan Kənd Təsərrüfatı və Təbii Sərvətlər İdarəsinin Tədqiqat və Təhsil Mərkəzinin keçmiş rəhbəridir.
O, Azərbaycan əyalətlərində ekoloji problemləri, xüsusilə Urmiya gölü ilə bağlı araşdırmaları və çıxışları ilə tanınır.
Əhməd Bayburdi, Şərqi Azərbaycanın Qaradağ meşələrinin məhv edilməsi, Ermənistanın Araz çayını çirkləndirməsi sahəsindəki fəaliyyətlərinə, hakimiyyəti bunun qarşısını almamaqda ittiham etdiyinə görə təzyiqlərlə üzləşib.
Azərbaycanlı ekoloq bir müddət əvvəl başçılıq etdiyi mərkəzin rəhbərliyindən uzaqlaşdırılıb, hazırda heç bir dövlət idarəsinə işə götürülmür.
