GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, İranın Amerika ordusunun zirehli maşınlarını, insansız uçaqlarını və helikopterlərini Talibandan dörddə bir qiymətə satın aldı.
Bununla bağlı əfqanıstanlı jurnalistlərə aid Teleqram kanalında görüntülər yayılıb. Bu gün Amerikanın bir neçə “Humvee” və “Ranger” zirehli maşını İranın paytaxtı Tehranda İran Ordusunun qoşqularının üstündə naməlum yerə daşınarkən görülüb.
Əfqanıstan Müdafiə Nazirliyinin keçmiş müvəqqəti başçısı Bismillah Məhəmmədi də həmin şəkillərdən birini öz Tvitter hesabında paylaşaraq, İranı “pis qonşu” adlandıraraq yazıb: “Əfqanıstanın pis günləri əbədi deyil”.
Tehran Semnan arasında da həmin modern silahlar daşınarkən lentə alınıb.
Eyni zamanda, İranın Semnan-Gərmsar şəhər Yol Polisi İdarəsindən yayılan görüntülərdə Amerikanın “Humvee” zirehli maşınlarının İran Ordusunun qoşquları üstündə Əfqanıstandan İrana daşındığı müşahidə edilib.
Taliban hələlik bu haqda heç bir şərh verməyib.
