GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Yaponiya, Böyük Britaniya və Niderlandın xarici işlər nazirləri İran adlanan ölkənin nüvə proqramı ilə əlaqədar regionda vəziyyətin sabitləşməsi məqsədilə sıx əməkdaşlıq edəcəklərini bildiriblər.
Yaponiya xarici işlər naziri Taro Kono niderlandlı həmkarı Stef Blok və Böyük Britaniyanın xarici işlər naziri Boris Conson ilə Buenos-Ayresdə keçirilən G20 sammiti çərçivəsində görüşüb. Tərəflər İranın nüvə razılaşması ilə əlaqədar qarşılıqlı fikir mübadiləsi apararaq regionda vəziyyətin sabitləşməsi üçün sıx əməkdaşlıq barədə razılığa gəliblər.
Qeyd edək ki, İranın nüvə proqramı ilə əlaqədar əldə edilən razılaşma ətrafında vəziyyət mayın 8-də ABŞ prezidenti Donald Trampın ölkəsinin həmin razılaşmadan çıxdığını elan sdib. İran adlanan ölkə nüvə proqramını davam etdirmə, dünyada terroru dəstəkləmək və regionda sabitliyi pozmaqda ittiham olunur. Bununla bağlı ağır sanksiyalar tətbiq edilib.
