GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, 2018-ci dekabrın 14-də Təbrizdə Traxtur futbol komandası ilə Xuzistanın Fulad komandası arasında keçirilən yarışda 21 Azər – Azərbaycan Milli Hökumətinin ildönümü azərbaycanlı gənclər və milli-mədəni fəallat tərəfindən anıldı.
Traxturun tərəfdarları, xüsusilə ərdəbilli fəallar stadionun yolunda Azərbaycan Milli Hökumətinin şəhidləri və onların ideyalarını xatırladan yazılı parça nümayiş etdiriblər. Parçaya “Milli şəhidlərimizin qutsal yolu davam edir; 21 Azər, Ərdəbil- Azərbaycan Milli Hərəkatı” sözü yazılıb.
Həmçinin Azərbaycan Milli Hökumətinin yaradılmasının 73-cü ildönümü münasibəti ilə stadionda plakatlar da qaldırılıb. Plakatlarda milli hökumətin başçısı mərhum Seyid Cəfər Pişəvəri və onun silahdaşlarının təsviri əks olunub.
Stadionda 70 mindən çox azərbaycanlı tamaşaçı iştirak edib.
Azərbaycanlı fəallar və tamaşaçılar milli şüarlar o cümlədə “Türk dilində mədrəsə-olmalıdır hər kəsə” şüarı səsləndirməklə Azərbaycan türkcəsinin məktəb və universitetlərdə tədrisini tələb etdilər. Stadionda digər milli şüarlar, o cümlədən “Azərbaycan bir olsun-mərkəzi Təbriz olsun” və s. şüarlar səsləndirilib.
