GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Türk Şurası ölkələri Türk İnvestisiya Fondu yaradır.
Türk Şurasının Xarici İşlər Nazirləri Şurasının Bakıda keçirilən növbədənkənar iclası ilə bağlı baş tutan mətbuat konfransında Türk Şurasının Baş katibi Bağdad Amreyev deyib ki, hazırda Türk Şurası ilə bağlı 2025-ci ilədək olan plan üzərində iş gedir. Çünki biz üzv dövlətlər arasında daha dərin əməkdaşlığın qurulmasını istəyirik. Eyni zamanda Türk Akademiyasının fəaliyyətini gücləndirmək də bu sırada mühüm yer tutur.
Bağdad Amreyev bildirib ki, Türk Şurası daxilində maliyyə institutunun yaradılmasına ehtiyac var. Odur ki, Türk İnvestisiya Fondunun yaradılması prosesi üzərində iş yekunlaşdırılıb, Türkiyədə bu il baş tutacaq növbəti zirvə görüşündən əvvəl müzakirəyə təqdim ediləcək:
“Biz də katiblik olaraq fondun yaradılması üçün öz tərəfimizdən üzv ölkələrə dəstək olacağıq”.
