Türk marşal Dostum Əfqanıstanla bağlı BMT-yə çağırış etdi

GADTB-nin Mətbuat Mərkəzinə daxil olan məlumata görə, Əfqanıstanın keçmiş vitse-prezidenti türk marşal Əbdül Rəşid Dostum BMT-yə müraciət edib.

Dosum Pəncşir vilayətinin şimalında Talibanın etnik təmizləmə apardığını bildirib:

“Mən BMT-ni səssizliyini pozmağa və qara siyahıda olan terrorçuların Pəncşirdə etnik təmizləmə aparmasını dayandırmaq üçün fəaliyyətə keçməyə çağırıram. Pəncşirin qapılarını açmaq və KİV-ə orada baş verənləri yayımlamağa izn vermək lazımdır. Fəlakət yaxınlaşır”.