GADTB-nin Mətbuat Mərkəzinə daxil olan məlumata görə, son 2 gündə Suriyanın şimalında “Fərat qalxanı” əməliyyat bölgəsində 50 terrorçu zərərsizləşdirilib. Bu barədə Türkiyə Milli Müdafiə Nazirliyi məlumat yayıb.
Qeyd edək ki, ötən gün terrorçuların açdığı atəş nəticəsində “Fərat qalxanı” əməliyyat bölgəsində xidməti vəzifəsini yerinə türkiyəli hərbçi Aytaç Altunörs şəhid olub. Bundan sonra Türkiyə ordusu bölgədə genişmiqyaslı əməliyyatlara başlayıb.
Eyni zamanda Türkiyə ordusu “Pəncə-Qıfıl” əməliyyatında “Akıncı” PUA-sından istifadə etdiyi m’lum olub.
Türkiyə Milli Müdafiə Nazirliyi ilk dəfə olaraq “Akıncı”nın əməliyyat görüntülərini yayıb.
“Akıncı”nın terrorçuların olduğu mövqeyi dəqiq zərbə atışı ilə vurduğu aydın şəkildə görünür.