GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, rəsmi Ankaranın aylardır, hətta illərdir Münbiç və Fəratın şərqində anonsunu verdiyi əməliyyata başladı.
Bölgədən gələn son məlumatlara görə, türk hərbi birlikləri Cerablusdan çıxaraq Münbiçə doğru irəliləyir.
Ötən gün isə Türkiyə Hava Qüvvələri Suriyanın Hasake əyalətində YPG terrorçularının başçılıq etdiyi Suriya Demokratik Qüvvələrinin (SDQ) bazalarına aviazərbələr endirib.
Münbiç Fərat çayının qərbində yerləşən strateji şəhər sayılır. PKK/YPG terror təşkilatı buranı tərk edəcəyi barədə dəfələrlə vəd verməsinə baxmayaraq, ABŞ vədləri yerinə yetirməyib.
Bundan başqa, Türkiyənin müxtəlif şəhərlərindəki hərbi hissələrdən daha əvvəl Hataya göndərilən komando birlikləri və şəxsi heyət daşıyan zirehli texnikadan ibarət kolon təhlükəsizlik tədbirləri altında Kilis şəhərin mərkəzindən keçərək sərhəd xəttinə doğru irəliləyib.
Türkiyə Hava Qüvvələri İraq-Suriya sərhədində kəşfiyyat və patrul uçuşlarını artırıb.
