Şənbə , May 28 2022
azfa

Türkiyə türkmən və ərəblərə qarşı soyqırıma davam edən kürd terrorçularına qarşı hücuma başlayır

GADTB-nin Mətbuat Mərkəzinin əldə etdiyi məlumata görə, kürd terrorçular Suriyanın şimalının etnik tərkibini dəyişmək üçün türkmənlər və ərəblərə qarşı soyqırım siyasəti davam etdiyi bir anda Türkiyə silahlı qüvvələrinin hücuma keçməsi aktuallaşıb. Artıq Türkiyə Silahlı Qüvvələri və Azad Suriya Ordusunun Suriyanın Fərat çayı və Münbiç bölgələrində məskunlaşan PKK/PYD/YPG terror qruplaşmalarına qarşı təşkil etdiyi hərbi hərəkatın başlanması artıq an məsələsinə çevrilib.

İlk mərhələdə Münbiç, Təl Abyad və Resulyan şəhərlərinin təhlükəsiz bölgəyə çevrilməsi planlaşdırılır. Burada ilk olaraq şəxsiyyətlərin yoxlanılması aparılacaq. Daha sonra isə infrasturktur və təhlükəsizlik xidmətləri təmin ediləcək.

Türkiyə və ABŞ arasında razılaşdırılan təhlükəsiz bölgə layihəsi mərhələli şəkildə həyata keçiriləcək. “Yeni şəfəq” qəzetinə informasiya verən mənbələrə görə, qısa müddət ərzində hərəkat aktiv ediləcək.

İlk olaraq Münbiç, Təl Abyad və Resulyan şəhərlərinin terrorçulardan təmizlənməsi gözlənilir. Bütün hazırlıqlar PKK terror təşkilatının müqaviməti və meydanda gerçəkləşdirəcəyi sabotajlara qarşı aparılır.

Terrordan təmizlənən yaşayış yerlərində şəxsiyyətlər yoxlanıldıqdan sonra bölgə sakinləri arasından seçilənlərlə məhəllə məclisləri qurulacaq. Öncəliklə, təhsil, qida, sağlamlıq, yol və elektrik kimi əsas tələbatlar nəzərə alınacaq. Daha sonra asayişin təmin edilməsi ilə bağlı təhlükəsizlik xidmətlərinə təlimlər keçiləcək. Türkiyə şəhərlərlə yanaşı, sərhədlərin təhlükəsizliyi üçün də mühafizə birliyi quracaq.

İŞİD-ə qarşı mübarizə bəhanəsi ilə Suriyaya daxil olan 5 min terrorçu da bu müddətdə bölgəni tərk edəcək. Eyn-əl-Ərəb və Haseki bölgələrində 4 fərqli düşərgə quran və əksəriyyəti Avropa İttifaqı ölkələri, ABŞ, Kanada və Avstraliya pasportu ilə yaşayan terrorçuların göndərilməsi Türkiyə üçün prioritet məsələdir. Bunların sayı 300-ə çatır.

Bəşər Əsəd rejimi Qamışlı, Dırbəsiyə, Rəsulyan, Münbiç və Hasekidəki 20 mindən çox əsgər və aşağı rütbəli zabitlərə hərbi geyim paylayıb. Dəməşq bununla Türkiyənin 30 km eni, 500 km uzunluğu olan sahədə keçirəcəyi hərəkatın qarşısını almaq üçün bölgə xalqına “nəzarət əlimizdədir” mesajını verrmək istəyir.

ABŞ-ın qüvvələrini bölgədən çəkməsi PKK terror təşkilatını təşvişə salıb və onlar Əsəd rejimi ilə görüşlərin sayını çoxaldıb. Bununla birlikdə, bölgədə yaşayanlara təzyiqlər artırılıb. Belə ki, PKK Əsəd üçün Dəməşqə 8 min terrorçu göndərmək haqda söz verib. Buna görə də 2004-cü ildə anadan olan gənclər belə məcburi şəkildə siyahıya alınır və ailələrindən qoparılaraq təşkilata üzv edilir.

Həmçinin yoxlayın

Ukrayna Rusiyanın 30000 hərbçisini məhv edib

GADTB-nin Mətbuat Mərkəzinə daxil olan məlumata görə, Ukrayna müharibənin 94-cü günü üçün Rusiya ordusunun itkiləri …

Türk PUA-ları İraqın şimalında 18 terrorçu məhv etdi

GADTB-nin Mətbuat Mərkəzinə daxil olan məlumata görə, Türkiyə ordusu İraqın şimalında “Pəncə-Qıfıl” antiterror əməliyyatını uğurla …

Bir cavab yazın