Türkiyə “Atmaca” raketini kütləvi istehsalına başlayır

GADTB: Türkiyənin əsas raket istehsalı ilə məşğul olan “Roketsan” şirkəti sualtı qayıqdan “Atmaca” gəmi əleyhinə qanadlı raketini buraxmağa hazırlaşır.

Bu barədə “SavunmaSanayiST.com” Tvitter səhifəsində məlumat yayıb.

Şirkətin baş direktoru Mirad İkinci bildirib ki, “Atmaca”nın xüsusilə Asiya-Sakit okean regionunda güclü ixrac tələbatı var:

“Əslində “Atmaca”nın özü yeganə raket deyil. Bu raket digər qanadlı raketlər üçün əsas olacaq platformadır. Hazırda Türkiyə Hərbi Dəniz Qüvvələri tərəfindən gəmi əleyhinə raket kimi istifadə olunur.

“Atmaca” həmçinin, 3D uçuş yolunu planlaşdırma sistemi ilə də təchiz olunub. Bu da ona coğrafi maneələri, o cümlədən adaları keçməyə imkan verir. Bundan əlavə, “Atmaca” sistemi bir neçə qanadlı raketin eyni anda hədəfə çatmasına imkan verir.

Bu, Türkiyənin ilk milli gəmi əleyhinə raketidir. Maksimum uçuş məsafəsi 250+ kilometr olan “Atmaca” raketi aktiv radar axtarıcıya sahibdir”.