GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, İraqın şimalındakı Metina bölgəsində PKK üzvü 9 terrorçu hava əməliyyatı nəticəsində zərərsizləşdirildi.
Türkiyə Milli Müdafiə Nazirliyinin “Twitter” hesabında yer alan məlumatda “Terrorçuların yuvalarını məhv etməyə davam edirik. İraqın şimalındakı Metina bölgəsində kəşfiyyat və izləmə vasitələri ilə aşkarlanan 9 PKK terrorçusu Hərbi Hava Qüvvələrimizin uğurlu hava əməliyyatı nəticəsində zərərsizləşdirildi. Əməliyyatlarımız qətiyyətlə davam edəcək” deyilib.
Qeyd edək ki, Bitlisin Tatvan qəsəbəsində separatçı terror təşkilatı PKK/KCK-ya qarşı həyata keçirilən əməliyyatda isə quldurlara aid 500 qram TNT qəlibi və müxtəlif material ələ keçirilib.
