GADTB Güney Azərbaycan Demokratik Türk Birliyi
GADTB: Bu gün Türkiyə və İranın xarici işlər nazirləri Hakan Fidan və Abbas Əraqçı Türkiyənin hava məkanında ballistik raketin zərərsizləşdirilməsindən sonra telefon əlaqəsi saxlayıblar.
Türkiyə xarici işlər naziri hadisə ilə bağlı Ankaranın mövqeyini iranlı həmkarına bildirib.
Söhbət zamanı Fidan İrandan Türkiyə atılan raketə qarşı Ankaranın etirazını iranlı həmkarı Abbas Əraqçıya çatdırıb.
Fidan Əraqçını münaqişənin gərginləşməsinə səbəb ola biləcək hər hansı addımlardan çəkinməyə çağırıb.
Qeyd edək ki, bu gün İrandan atılaraq İraq və Suriya hava məkanını keçdikdən sonra Türkiyə hava məkanına yönələn raket vurulub. Bununla bağlı, Türkiyə Milli Müdafiə Nazirliyi məlumat yayıb.
Bildirilib ki, müəyyən edilən ballistik raket Şərqi Aralıq dənizindəki NATO hava və raketdən müdafiə vasitələri tərəfindən zərərsizləşdirilib.
“Hatay vilayətində yerə düşən parçaların hava müdafiə sursatına aid olduğu müəyyən edilib. Hadisə nəticəsində hər hansı itki və ya xəsarət qeydə alınmayıb”, – deyə, vurğulanıb.
Artıq raketin qalıqları Hatay vilayətində yerə düşüb. Aparılan ilkin araşdırmalar nəticəsində parçaların hava hücumundan müdafiə sisteminə məxsus sursat olduğu müəyyən edilib. Raketin qalıqları isə hazırda vurulduğu ərazidən çıxarılıb.
