GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Türk Dünyasında böyük əhəmiyyətə malik olan Şuşa Bəyannaməsini Türkiyə də təsdiq etdi. Türkiyə Böyük Millət Məclisinin (TBMM) Xarici Əlaqələr Komitəsində Türkiyə Respublikası ilə Azərbaycan Respublikası arasında Müttəfiqlik əlaqələri haqqında Şuşa Bəyannaməsinin təsdiq edilməsinə dair Qanun təklifi qəbul edilib.
Bununla bağlı fevralın 3-də komissiyanın iclası keçirilib.
Ədalət və İnkişaf Partiyasının (AKP) İstanbul millət vəkili Akif Çağatay Kılıçın sədrliyi ilə keçirilən Komissiya iclasına xarici işlər nazirinin müavini Yavuz Səlim Kıran da qatılıb. Y.S.Kıran Qafqaz regionunun strateji əhəmiyyətini vurğulayaraq, bölgədəki proseslərin Türkiyə və Azərbaycanın maraqları ilə sıx bağlı olduğunu bildirib.
Müzakirələrdən sonra TBMM-in Xarici İşlər Komissiyası Şuşa Bəyannaməsinin təsdiqlənməsi üçün sənədin Türkiyə parlamentində müzakirəyə çıxarılmasını məqsədəuyğun hesab edib.
