Türkiyə Qaradənizdə qaz quyularının testini davam etdirir

GADTB-nin Mətbuat Mərkəzinə daxil olan məlumata görə, Qara dənizdəki “Türkali-2” quyusunun “Rezervuar-1” testi gündəlik 650 min kubmetrə yaxın debitlə davam edir.

Enerji və təbii sərvətlər naziri Fatih Dönmez “Twitter” hesabından verdiyi açıqlamada 28 iyulda “Türkali-2” quyusu “Rezervuar-2 və “Rezervuar-3” testlərinin uğurla tamamlandığını bildirib.

Nazir F.Dönmez Qara dəniz bölgəsində qaz fəaliyyətlərinin 21 saniyəlik video görüntülərini paylaşaraq, “28 iyul 2021-ci il “Türkali-2” quyusu “Rezervuar-2” və “Rezerv” testləri uğurla tamamlandı. 20 noyabr 2021 “Türkali-2” quyusu “Rezervuar-1” teste gündəlik 650 min kubmetrlik debitlə davam edir. Qara dəniz qazı üçün 2023-cü il hədəfimiz aydındır. Addım-addım irəliləyirik” deyib.

Nazir Dönmez Antalyada keçirilən 11-ci Türkiyə Enerji Zirvəsinin açılışında etdiyi çıxışında Sakarya Qaz Yatağı ilə bağlı bütün mühəndislik işlərini tamamladıqlarını bildirdi.

“Yüksək keyfiyyətli borular üçün sifariş vermişik. 2022-ci ilin yazında boruları suyun altına qoyacağıq və ilk qaynaq işlərini edəcəyik” deyə nazir vurğulayıb.

Dönmez dördüncü qazma gəmisinin 2022-ci ilin yazında Türkiyəyə çatacağını bildirib.

“4-cü gəmimiz qoşa qülləli dizayna malikdir və sərt dəniz şəraitində işləmək qabiliyyətinə malikdir. O, hətta yüksək təzyiqli rezervuarlarda belə daha təhlükəsiz işləyir” deyə nazir qeyd edib.