GADTB-nin Mətbuat Mərkəzinə daxil olan məlumata görə, Türkiyənin Daxili İşlər Nazirliyi Bitlis və Siirt şəhərlərində “Eren-6 Mergelo” əməliyyatının 1453 işçinin iştirakı ilə start götürdüyünü bildirib.
Nazirliyin yaydığı məlumata görə, bölücü terror təşkilatı PKK/KCK-nı ölkənin gündəmindən tamamilə kənarlaşdırmaq və bölgədə olduğu düşünülən terrorçuları zərərsizləşdirmək üçün 11 yanvarda başlayan “Eren” əməliyyatları davam edir.
Bu çərçivədə Bitlis və Siirt şəhərlərində “Eren-6 Mergelo” əməliyyatı başlayıb.
Əməliyyatda jandarma komandoları, jandarma xüsusi hərəkat (JÖH), polis xüsusi hərəkat (PÖH) və təhlükəsizlik işçilərindən ibarət 82 əməliyyat qrupu iştirak edir.