Türkiyədə Azərbaycan Xalq Cümhuriyyətinə həsr edilən gümüş pul buraxıldı – Şəkil

GADTB-nin Mətbuat Mərkəzinə daxil olan məlumata görə, Türkiyədə Azərbaycan Cümhuriyyətinin elan edilməsinin 100 illiyi münasibətilə xatirə pul buraxılıb.

Nominalı 20 türk lirəsi olan, 1 unsiya (925 əyar) çəkili gümüş xatirə sikkələrinin üzərində Azərbaycanın xəritəsi, gerbi, bayrağı, Qız qalası, neft platforması və müvafiq yazılar qeyd olunub.

Kolleksionerlərin və tarixçilərin marağına səbəb olacaq bu xatirə gümüş pulun satış qiyməti 125 türk lirəsidir.