GADTB Güney Azərbaycan Demokratik Türk Birliyi
GADTB: Türkiyə müdafiə sənayesinin tanklarında etdiyi yeniliklər Avropa mediasının gündəmini zəbt edib.
Türkiyə Silahlı Qüvvələrinin hərbi rabitəsini təmin edən ASELSAN AKKOR texnologiyasının bir çox türk zirehli texnikasına inteqrasiya edilməsi rezonans doğurub.
Polşa mediası yazır ki, AKKOR müdafiə sistemi potensial təhdidlərə qarşı imkanlarını modernləşdirən Türkiyə ordusu üçün əhəmiyyətli yenilikdir. İnteqrasiya nəticəsində “Altay 3+” döyüş tankı daha üstün səviyyəyə çatacaq. Bundan əlavə, döyüş meydanında dayanıqlılığı artacaq:
“Sistem bütün istiqamətlərdən gələn təhdidləri izləyən dörd yüksək ayırdetmə qabiliyyətində olan radara malikdir. Yanlış həyəcan siqnalları ehtimalını minimuma endirir. Təhlükə aşkar edildikdə, sensorlar məlumatları döyüş vasitəsinin idarəetmə sisteminə ötürür, bu da ekipajın vəziyyətlə bağlı məlumatlılığını artırır. Bundan sonra sistem təhlükə istiqamətinə yönəldilmiş ikilüləli qurğunu işə salır və gələn mərmi zərərsizləşdirilir. Türkiyə müdafiə sənayesi addım-addım irəliləyir”.
