GADTB Güney Azərbaycan Demokratik Türk Birliyi
GADTB: Mayın 21-də Urmiya-90 komandası Yəzddə keçirilən oyundan sonra 1-ci qrup liqaya yüksəlib. Yəzd şəhərində Urmunun “90 Urmiya” futbol komandası ilə Yəzdin “Şəhid Qəndi” komandasının oyunu keçirilib.
Yarış 1-1 hesabı ilə başa çatsa da, Azərbaycan təmsilçisi əvvəlki oyunda rəqibini 2-1 hesabı ilə məğlub etdiyinə görə, “Azadeqan” liqasına vəsiqə qazanıb.
Yəzddə keçirilən oyun idman yarışından daha çox yəzdlilərin Azərbaycan və azərbaycanlılara qarşı irqçı və təhqiramiz davranışları və şüarları ilə yadda qalıb.
“Şəhid Qəndi” komandasının tərəfdarları və komandanın texniki heyəti azərbaycanlı oyunçuları təhqir edib, onlara butulka və başqa yad cisimlər ataraq, oyunun gedişatını pozmağa, urmulu futbolçuları qarşıdurmaya cəlb etməyə çalışıblar.
Urmiya təmsilçisinin baş məşqçisinin İran Futbol Federasiyasının nümayəndələri və hakimə iradları cavabsız qalıb, rəqib komandanın oyunçularının qeyri-etik davranışları və ifadələrinə göz yumulub.
video:
