GADTB Güney Azərbaycan Demokratik Türk Birliyi
GADTB: Urmiya gölündən yayılan videoda iki şahin quşunun cəsədi görüntülənib.
Təəssüf ki, şirin su tapmaq ümidi ilə gölə yaxınlaşan bir çox quş suyun həddindən artıq duzlu olması və yüksək duz konsentrasiyası səbəbindən ciddi problemlərlə üzləşə bilər.
Videoda iki şahinin cəsədi görünür. Bu, acı və ürəkdağlayan mənzərə olmaqla yanaşı, Urmiya gölünün vəhşi təbiəti üçün bir daha həyəcan təbilinin çalınmasına səbəb olur.
Urmiya gölü yalnız su hövzəsi deyil, minlərlə canlı növünün həyatının asılı olduğu qiymətli yaşayış məkanıdır. Gölün quruması və ekoloji şəraitin dəyişməsi bölgənin təbiəti üçün ciddi təhlükə yaradır.
