Urmiyada həbs edilən azərbaycanlı cütlük 800 milyon tümən girov qarşılığında zaminə buraxılıb

GADTB-nin Mətbuat Mərkəzinə daxil olan məlumata görə, molla rejimin Urmiya-Təbriz yolunda həbs etdiyi Ulduz Qasemi və Əmir Səttari 800 milyon tümən girov qarşılığında zaminə buraxılıblar.

Qeyd edək ki, Ulduz Qasemi və Əmir Səttari dünən Urmu şəhərində kürdlərin ərazi iddialarına qarşı aksiyada iştirak etmək üçün Təbrizdən Urmiyaya getmişdilər.

Onlar geri qayıdarkən nəzarət-buraxılış məntəqələrinin birində rejimin məmurları tərəfindən saxlanılaraq naməlum yerə aparılmışdılar.