Bazar ertəsi , Noyabr 16 2026
azfa

Urmiyada keçirilən yarışda milli şüarlar səsləndirildi- Video

GADTB-nin Mətbuat Mərkəzinə daxil olan məlumata görə, Urmiya şəhərində Urmiya komandası ilə Əhvaz komandası arasında keçirilən yarışda milli şüarlar səsləndirilib.

Aprelin 11-də Urmiya şəhərinin “Şəhid Bakiri” stadionunda Urmiyanın “90 Urmiya” komandası ilə Əhvazın “Fuladi Novin” futbol komandası arasında keçirilən yarışda milli şüarlar səsləndirilib.

Urmiya komandasının 1-0 hesabı ilə qələbə qazanması ilə başa çatan yarışda stadionda olan tamaşaçılar fars dilində məcburi təhsilə, türk dilinə qarşı məhdudiyyətlərə, ana dilində təhsil qadağasına, qadınlara qarşı ayrıseçkiliyə, Güney Azərbaycan iqtisadiyyatı və ətraf mühitinə qarşı laqeydliklərə etiraz ediblər.

Azərbaycanlı tamaşaçılar və milli-mədəni fəallar bu məqsədlə stadionda aşağıdakı milli şüarları səsləndiriblər:

“Haray-haray mən türkəm”

“Azərbaycan qızları-göylərin ulduzları”

“Türk dilində mədrəsə, olmalıdır hər kəsə”

“Urmu gölü can verir, İran onun qətlinə fərman verir”

“Nə Qəzzə, nə Lubnan(Livan), canımdır Azərbaycan”

“Azərbaycan var olsun, istəməyən kor olsun”

Qeyd edək ki, İran rejiminin Azərbaycana qarşı müstəmləkə siyasəti Azərbaycan türklərinin etirazı ilə qarşılaşır və nəticədə onlar müxtəlif tədbirlər, o cümlədən yarışlarda yaranan fürsətdən istifadə edib rejimə öz etirazlarını bildirirlər.

Həmçinin yoxlayın

ABŞ-ın “Ruzvelt” aviadaşıyan gəmisi Yaxın Şərqə daxil olub

GADTB: “Aksios” nəşrindən sonra Birləşmiş Ərəb Əmirliklərinin “The National” jurnalı və “Jerusalem Post” qəzeti də …

İrqçi fars rejiminin parlamenti xarici ölkələrin media qurumları ilə əməkdaşlığı cinayət hesab edir

GADTB: İran parlamenti media məkanının məhdudlaşdırılması və informasiyanın sərbəst yayılmasına qarşı təzyiqlərin gücləndirilməsi istiqamətində atdığı …