Çərşənbə axşamı , İyun 25 2024
azfa

Xoyun zəlzələ bölgəsində əhali ağır durumda qalıb

GADTB-nin Mətbuat Mərkəzinə daxil olan məlumata görə, yanvarın 18-də Güney Azərbaycanın Xoy bölgəsində əhali baxımsız vəziyyətdə soyuqda qalıb.

Soyuq qış günlərində Xoyda baş verən zəlzələ zamanı zərər çəkən əhaliyə yardım əli uzadan yoxdur. Sakinlərdən biri deyir: “Bizim telefon zənglərimizə cavab verən yoxdur, hətta bir dənə çadır da vermirlər”.

Rejimin Qızı Aypara Cəmiyyəti, nə də digər orqanları zəlzələdən dağılan bölgəyə heç baş da çəkmir.

Qərbi Azərbaycan əyalətinin Mənzil Fondunun baş direktoru Cəfər Bərzgər bildirib ki, Xoy bölgəsində baş verən 5.4 bal gücündə zəlzələ nəticəsində 2100 evə zərər dəyib.

Cəfər Bərzgər 1955 tikilinin 50% xəsarət aldığını və 138 evin isə tamamilə istifadəyə yararsız vəziyyətə düşdüyünü bildirib.

Qeyd edək ki, yanvarın 18-i yerli vaxtla saat 13:19 və 13:38 dəqiqədə 3.6 və 5.4 bal gücündə qeydə alınan zəlzələ yerin 12 kilometr dərinliyində baş verib. Soyuq havada çöldə və çadırlarda qalmağa məcbur olan xoylular, rəsmi iddiaların əksinə olaraq Qızıl Aypara Cəmiyyəti və başqa dövlət qurumlarının onlara yardım etmədiklərini bildirirlər.

Həmçinin yoxlayın

Güney Azərbaycanın Qəzvin bölgəsində avtomobil şirkətinin aldadılmış səhmdarları etiraz aksiyası keçirib

GADTB-nin Mətbuat Mərkəzinə daxil olan məlumata görə, dünən Güney Azərbaycanın Qəzvin bölgəsində müflis olmuş “Rezayət …

GADTB başqanı sayın Əjdər bəy Tağızadə Əbülfəz Elçibəyin məzarını ziyarət etdi

GADTB-nin Mətbuat Mərkəzinə daxil olan məlumata görə, Güney Azərbaycan Demokratik Türk Birliyi (GADTB), Güney Azərbaycan …