Cümə , Aprel 26 2024
azfa

Uduzdurulan Traktorun yeni oyun tələbini rejimin Antiazərbaycan federasiyası rədd etdi

GADTB-nin Mətbuat Mərkəzinə daxil olan məlumata görə, Güney Azərbaycanın “Traktor” futbol komandasından uzaqlaşdırılan qapıçı Möhsün Fruzanın xəyanəti sübut edildikdən sonra komandanın səlahiyyətli şəxsləri rejimin Futbol Federasiyasına müraciət edib. Bu barədə federasiyanın vəkili Əhməd Rza Bərati açıqlama verib.

Bəratinin sözlərinə görə, müraciətdə qapıçının məqsədli şəkildə komandanı uduzdurmasına görə oyunun yenidən təşkil olunması, yaxud “Traktor”un qalib elan edilməsi xahiş edilib. Lakin rejimin irqçi və Antiazərbaycan futbol federasiyası “Traktor”un müraciətini rədd edib və qapıçının komandanın bir üzvü olduğunu, mövzunun şəxsi məsələ mahiyyəti daşıdığını əsas gətirərək, oyunun yenidən təşkil edilməyəcəyini bildirib.

Qeyd edək ki, aprelin 12-də Rəştdə keçirilən görüş 3:0 hesabı ilə “Sepidrud”un xeyrinə başa çatdıqdan sonra futbolçunun xəyanəti ilə bağlı tərəfdarlar, Təbriz klubunun rəsmi şəxsləri, o cümlədən klubun sahibi Məhəmmədrza Zenuzi ciddi iddialar irəli sürmüşdü. Futbol Federasiyasının Əxlaq Komitəsi super liqa və birinci dəstə oyunlarını araşdıraraq, futbolçunun bir neçə görüşün nəticəsi ilə bağlı gizlicə mərcə girdiyini, nəticədə milyardlarla tümən məbləğində pul qazandığını üzə çıxarmışdı.

Qapıçı Möhsün Fruzan və həyat yoldaşı həbs edilsə də, ötən gün girov qarşılığında azadlığa buraxılıb.

Həmçinin yoxlayın

“Tərcüman” İranın Zəngəzur dəhlizindən qorxusunu işıqlandırdı

GADTB: Yenidən fəaliyyətə başlayan Krım_türklərinə məxsus “Tərcüman” televiziyası İranın Türk dünyası və Zəngəzur dəhlizindən qorxmasından …

Qumda Azərbaycana qarşı növbəti tədbir keçirildi

GADTB: Aprelin 24-də İranın Qum şəhərində bundan əvvəl Suriyada SEPAH-ın yaratdığı qanunsuz qruplaşmanın tərkibində döyüşən …

Bir cavab yazın