Əbülfəzl Rəncbəri və Yunis Məraminin işi üzrə məhkəmə iclası keçirilib

GADTB: Əbülfəzl Rəncbəri və Yunis Məraminin işi üzrə məhkəmə iclası ötən gün – çərşənbə günü, 2 ordibehişt tarixində İnqilab Məhkəməsinin 3-cü şöbəsində, hər iki azərbaycanlı fəalın və vəkillərinin iştirakı ilə baş tutub.

Azərbaycan İnsan Hüquqları Müdafiəçiləri Təşkilatının məlumatına görə, vəkil Ə. Rəncbəri 14 ordibehişt 1404-cü ildən, siyasi fəal Yunis Mərəmi isə 18 tir 1404-cü ildən müvəqqəti həbsdə saxlanılır. Bildirilir ki, onlara qarşı irəli sürülən ittihamlar sübutların yetərli olmaması səbəbindən dəfələrlə dəyişdirilib.

Həmin iclasda müdafiə tərəfi “yer üzündə fəsad törətməyə yardım” ittihamını rədd edərək müvəkkillərini müdafiə edib. İclasın sonunda hakim Həsən Fəthnəjad tərəfindən təqsirləndirilən şəxslərin son sözləri dinlənilib.

Qeyd edək ki, bu, işin Təbriz İnqilab Məhkəməsinin 3-cü şöbəsinə göndərilməsindən sonra keçirilən üçüncü iclasdır.