Bazar ertəsi , Noyabr 16 2026
azfa

Ərdəbil vilayəti inkişaf göstəricisinə görə sonuncu yerdədir

GADTB-nin mətbuat mərkəzinə daxil olan məlumata görə bu barədə İran adlanan ölkənin məclisindəki Ərdəbil Millət Vəkilləri Birliyinin sədri Südeyf Bədri açıqlama verib. O deyib ki, Ərdəbil vilayəti başqa vilayətlər arasında inkişaf göstəricilərinə görə sonuncu yeri tutur.

Bədirinin sözlərinə görə Ərdəbil vilayəti əksər göstəricilərdə də sonuncu yerdədir. Belə ki, işsizlikdə üçüncü və adam başına düşən gəlir də İran əhalisinin adam başına düşən orta gəlirinin yarısı qədərdir. Həmçinin bu vilayət geri saxlanılan vilayətlər sırasındadır.

S.Bədri həmçinin qeyd edib ki, Ərdəbil dəmir yolu 12 ildir ki, tikilmir. O bu Azərbaycan vilayətini İranın İsfahan kimi mərkəzi vilayətləri ilə müqayisə edərək deyib ki, bizim yalnız 100 km magistral yolumuz vardır. Halbuki İsfahanın 2000 km magistral yolu vardır.

Bu yaxınlarda Ərdəbilin imam cüməsi də vilayətlərə ayrılan büdcədə ciddi ayrı-seçkiliyin olduğunu qeyd edib və Ərdəbil vilayətinə çox cüzi büdcənin ayrıldığını qeyd etmişdi.

Qeyd edək ki, İran rejiminin ayrı-seçkilik siyasəti nəticəsində Ərdəbil və başqa Azərbaycan vilayətləri qəsdən geri saxlanılır. Bu da əhalinin işsizlik və yoxsulluğuna səbəb olur.

Həmçinin yoxlayın

ABŞ-ın “Ruzvelt” aviadaşıyan gəmisi Yaxın Şərqə daxil olub

GADTB: “Aksios” nəşrindən sonra Birləşmiş Ərəb Əmirliklərinin “The National” jurnalı və “Jerusalem Post” qəzeti də …

İrqçi fars rejiminin parlamenti xarici ölkələrin media qurumları ilə əməkdaşlığı cinayət hesab edir

GADTB: İran parlamenti media məkanının məhdudlaşdırılması və informasiyanın sərbəst yayılmasına qarşı təzyiqlərin gücləndirilməsi istiqamətində atdığı …