GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Güney Azərbaycanın Ərdəbil şəhərində azərbaycanlı siyasi məhbusların baneri asılmaqla onlara azadlıq tələb edilib.
Bannerdə həmçinin azərbaycanlı siyasi məhbusların fotoları da əks olunub.
Bir qrup azərbaycanlı milli fəal Ərdəbil şəhərində 13 nəfər azərbaycanlı siyasi məhbusun fotoları əks olunan baner hazırlayaraq şəhərin çox hərəkətli yerindən asmaqla onlara azadlıq tələb ediblər.
Banerin üzərində Abbas Lisaninin məhkəmədə dediyi sözlər də əks olunub: “Azərbaycan xalqı vücudunun bütün hüceyrələri ilə iqtisadi zülmü hiss etdiyi və duyduğu bir durumda necə səssiz qala bilər?” bu kəlamla yanaşı bannerdə 13 nəfər azərbaycanlı siyasi məhbusun şəkli əks olunub.
Banerdə Əkbər Nəimi, Əlirza Fərşi, Abbas Lisani, Məhəmməd Eyni, Abbas Nikrəvan, Əli Vasiqi, Rza Vasiqi, Tohid Əmirəmini, Əyyub Şiri, Davud Şiri, Əkbər Cahani, Əkbər Azad, Ruzbeh Pirinin fotoları əks etdirilib.
Qeyd edək ki, həmçinin bu günlərdə azərbaycanlı fəal Cəfər İsmayılzadə yaxalanaraq, rejimin Təbrizdə yerləşən zindanına köçürülüb.
