Ərdəbildə Azərbaycanlı tələbə Ehsan Fəridinin ölüm hökmünə etiraz şüarları yazılıb

GADTB: Ərdəbildə noyabrın 6-da bir qrup azərbaycanlı fəal Ehsan Fəridinin qeyri-insani ölüm hökmünə etiraz olaraq şüarlar yazılıb.

Beləliklə azərbaycanlı fəallar “edama yox!” şüarı ilə azərbaycanlı gəncin ölüm hökmünə etiraz ediblər.

Qeyd edək ki, Təbriz Universitetinin istehsalat mühəndisliyi tələbəsi olan Ehsan Fəridi ilk dəfə 8 mart 2024-cü ildə “sistemə qarşı təbliğat” ittihamı ilə həbs edilib və on günlük dindirilmədən sonra girov müqabilində azadlığa buraxılıb.

Bundan sonra o, 18 iyun 2024-cü ildə Təbriz Prokurorluğu tərəfindən yenidən saxlanılıb və həbsxanaya köçürülüb.

Məhkəmə prosesi davam etdiyi bir vaxtda, onun ittihamının adı “sistemə qarşı təbliğat”dan “korrupsiya”ya dəyişdirilib.