Ermənistan və ABŞ “Tramp yolu”nun müzakirəsinə başladı

GADTB: Ermənistan və ABŞ Zəngəzur vilayətində “Tramp yolu” layihəsinin təfərrüatını müzakirə etməyə başlayıblar.

Bunu Ermənistan Baş naziri Nikol Paşinyan deyib.

Ermənistanın hakim partiyasından olan deputat Vaqarşak Akopyan isə deyib ki, “Tramp yolu”nun (və ya Zəngəzur dəhlizinin) açılması ilə bağlı fəal iş gedir.

Deputat qeyd edib ki, “Tramp yolu” və orada hansı biznes modelinin fəaliyyət göstərəcəyi ilə bağlı müzakirələr gedir.

“Amerikalılarla həm onlayn, həm də üzbəüz görüşlərdə çox fəal işləyirik. İşçi qrupu yaradılıb. Bu, başlanmış bir prosesdir, amma hazırda bu barədə sizə məlumat vermək səlahiyyətinə malik deyiləm”, – Akopyan jurnalistlərə bildirib.