Çərşənbə axşamı , Noyabr 17 2026
azfa

Bloomberg: “İran Rusiyaya 4 milyard dollarlıq silah tədarük edib”

GADTB: “Bloomberg” nəşrinin Qərb təhlükəsizlik xidmətlərindəki mənbələrə istinadən yaydığı məlumata görə, İran 2021-ci ilin sonundan bəri Rusiyaya 4 milyard dollar dəyərində silah tədarük edib. Bu silahlar Ukraynaya qarşı aparılan müharibədə Rusiya tərəfindən istifadə olunub.

Məlumatda bildirilir ki, İran Rusiyaya 2,7 milyard dollar dəyərində raket göndərib. İlk müqavilələr 2021-ci ilin oktyabrında, Ukrayna müharibəsi başlamazdan əvvəl imzalanıb. Bu tədarükə yüzlərlə “Fəth-360” qısa mənzilli ballistik raket, təxminən 500 digər qısa mənzilli raket və hava hücumundan müdafiə sistemləri üçün təxminən 200 zenit raketi daxildir.

Bundan əlavə, İran Rusiyaya milyonlarla patron və mərmi, eləcə də “Shahed-136” dronları tədarük edib. 1,75 milyard dollarlıq müqavilə çərçivəsində Rusiyanın “Geran-2” dronlarını istehsal etməsi üçün texnologiyalar da paylaşılıb./ Azad İran

Həmçinin yoxlayın

Sevginin anası 277 günlük mübarizə sonra övladı üçün Tehran Vətəndaşlıq Qeydiyyatı İdarəsindən doğum şəhadətnaməsi ala bildi

GADTB: Şimali Xorasan vilayətinin Şirvan rayonundan olan, Tehranın Bumehn şəhərində yaşayan xorasanlı türk ana 9 …

Britaniya: İran İslam Respublikasının nüvə silahı əldə etməsinə imkan verə bilmərik

GADTB: Britaniyanın baş naziri Endi Börnham bildirib ki, ölkəsinin hökuməti ABŞ və İsrailin İranla müharibəsinə …